मनाङ समाज सेवा समितिले रसुवाको भोटेकोशी आएको बाढीका कारण भएको जनधनको क्षतिमा सहयो गर्न ६४ लाख २७ हजार सहयोग संकलन गरेको छ।
समाजका अनुसार आर्थिक संकलन गर्ने अभियानमा संकलिन ६४ लाख मध्ये ३५ लाख प्रधानमन्त्री दैवी प्रकोप राहत कोषमा जम्मा गरिएको अध्यक्ष जाम्लिङ घलेले बताए।
यस्तै समाजको अध्यक्ष, ङिस्याङ मनाङ वमेन सोसाइटीका पदाधिकारी लामा गुरु, भिक्षुणीहरू समेत भेला भइ मृत आत्माको चिरशान्तिको कामना गर्दै मौन धारण गरिएको थियो भने ङिस्याङ मनाङ वमेन सोसाइटीको तर्फबाट पनि प्रधानमन्त्री दैवी प्रकोप राहत कोषमा रु ५ लाख नबिल बैंक मार्फत जम्मा गरिएको थियो।
मनाङ समाज सेवा समितिको संकलित रकममध्ये प्रधानमन्त्री राहत कोषमा जम्मा गरिएको बाहेक बाँकी रकमको आगामी बुधबार उपाध्यक्ष मबहादुर गुरुङको नेतृत्वमा २०० परिवारको लागि मेडिकल तथा दैनिक उपभोग्य सामग्री लिएर भावित क्षेत्र रसुवा जाने तयारीमा छ।
मनाङ समाज ए डिभिजन क्लब मनाङ मर्स्याङ क्लबको माउ संस्था हो।
-1746009348.jpg)
