नेपाल प्रिमियर लिग (एनपिएल) को तेस्रो सिजनमा प्लेअफ पुग्न असफल भएपछि विराटनगर किङ्सका चरिथ असलन्काले अन्तिम १० ओभरमा खराब बलिङ गर्दा लुम्बिनी लायन्ससँग पराजित हुन पुगेको बताए।
खेलपछि पत्रकार सम्मेलनमा श्रीलंकन अलराउन्डर असलन्काले ब्याटिङमा राम्रो गरे पनि अन्तिम १० ओभरको बलिङ खराब गरेपछि हार व्यहोर्नु परेको बताए।
खेल जित्न अन्तिम दुई ओभरमा ३३ रन जोगाउनुपर्ने उनको भनाइ थियो।
तर योजनाअनुरूप बलिङ गर्न नसक्दा हार ब्यहोर्नुपर्ने उनी बताउँछन्।
साथै फिल्डिङ पनि राम्रो हुनुपर्ने असलन्काले उल्लेख गरे।
आफूसहित अन्य खेलाडीले पनि खराब फिल्डिङ गरेको असलन्काले स्वीकार गरे।
पावरप्लेमा राम्रो बलिङ गरेको उनले उल्लेख गरेका छन्।
नेपाली खेलाडीमा धेरै क्षमता भए पनि दबाबमा कसरी खेल्ने भन्ने कुराको कमी रहेको उनको भनाइ छ।
लक्ष्य पुग्न तीनै क्षेत्रमा आफ्नो उत्कृष्ट दिनुको विकल्प नरहेको असलन्काले बताए।
टी-२० खेलमा फिनिसिङ राम्रो नहुँदा खेल गुमाउनुपर्ने उनले उल्लेख गरे।
दोस्रोपटक नेपालमा आएर खेल्न पाउँदा धेरै खुसी रहेको उनी बताउँछन्।
नेपाल धेरै सुन्दर रहेको र यहाँका खेलाडी पनि राम्रा रहेको उनले उल्लेख गरे।
पहिलो क्वालिफायरमा स्थान बनाएपछि लुम्बिनीका लायन्सका सन्दीप जोराले अन्तिमसम्म खेल लैजाने रणनीतिअनुरूप आफू र अली शेखले खेलेको बताए।
उनी र शेखको साझेदारी नै लुम्बिनी जितनजिक पुगेको थियो।
ओभरमा १/२ वटा खराब बल आउनसक्ने र त्यसलाई बाउन्ड्री प्रहार गर्ने लक्ष्य राखेको उनको भनाइ छ।
बलरको बलिङ अनुरूप ब्याटिङ गर्दा जित सम्भव भएको उनी बताउँछन्।
एउटा खेलाडीले भन्दा पनि समग्र टिमले राम्रो गरेपछि अंकतालिकाको शीर्ष स्थानमा पुगेको उनले स्पष्ट पारेका छन्।
टी ट्वान्टी क्रिकेट खेल्न राम्रो पिच हुनुपर्ने उल्लेख गर्दै उनले विश्वका स्टार खेलाडी भएको खेलमा सुधार आवश्यक रहेको औंल्याए।- न्युज एजेन्सी नेपाल
