केडिया ग्रुपको आयोजनामा पहिलोपटक हुन लागेको पुरुष भलिबलको फ्रेन्चाइज लिग नेपाल भलिबल लिग (एनभीएल) को अक्सन आइतबार काठमाडौंमा सम्पन्न भएको छ।
कूल १२७ खेलाडीहरुको बोली लगाइएको थियो। ६ वटा टोलीले नियमअनुसार ७ जनाका दरले कूल ४२ जना खेलाडीहरुलाई आआफ्नो टोलीमा आबद्ध गरेका छन्।
अक्सनमा 'क्याटेगोरी ए' मा रहेका अधिकांश उत्कृष्ट खेलाडीहरु १ लाख २० हजार रुपैयाँको अधिकतम मूल्यमा बिक्री भएका छन्। अक्सनमार्फत खप्तड फाल्कोन्स, कर्णाली शिवराज, काठमाडौं रेड्स, अन्नपूर्ण स्पाइकर किंग्स, सगरमाथा स्माशर्स र मधेश वारियर्सले आ-आफ्नो सन्तुलित टोली निर्माण गरेका छन् ।
टोलीअनुसार आबद्ध खेलाडीहरुको सूची
खप्तड फाल्कोन्स
खप्तड फाल्कोन्सले 'क्याटेगोरी ए' बाट सरोज बर्देवा र प्रेमप्रसाद गौतमलाई समान १ लाख २० हजार रुपैयाँमा टोलीमा भित्र्याएको छ । यस्तै, इन्द्र बीके र बिपाश थापालाई जनही १ लाख रुपैयाँमा आबद्ध गरेको छ । 'क्याटेगोरी बी' बाट पराश बोहोरालाई ७० हजार रुपैयाँ तथा नवराज थापा मगर र नवराज धामीलाई जनही ५० हजार हजार रुपैयाँमा टोलीमा सामेल गरिएको छ ।
कर्णाली शिवराज
कर्णाली शिवराजले 'क्याटेगोरी ए' का चारैजना खेलाडीहरुलाई समान १ लाख २० हजार रुपैयाँ खर्चेर टिममा राखेको छ, जसमा निरपध्वज बस्नेत, बिनोद बहादुर चन्द, सुरज चुनारा र सनोज चौधरी रहेका छन् । 'क्याटेगोरी बी' बाट सन्दीप लुहार, बलराम गुरुङ र सुनिल ठकुल्लालाई जनही ५० हजार हजार रुपैयाँमा टोलीले खरिद गरेको छ ।
काठमाडौं रेड्स
काठमाडौं रेड्सले 'क्याटेगोरी ए' बाट सन्तोष बीके, सन्तोष राई र चिरञ्जीवी खड्कालाई जनही १ लाख २० हजार रुपैयाँमा आबद्ध गरेको छ भने बलदेव सिंह धामीलाई १ लाख रुपैयाँमा लिएको छ । 'क्याटेगोरी बी' बाट पुस्कर सिंह धामी र जित बहादुर ढुङ्गाललाई समान ७० हजार रुपैयाँ तथा दीपेश कुँवरलाई ५० हजार हजार रुपैयाँमा टोलीमा आबद्ध गरेको छ ।
अन्नपूर्ण स्पाइकर किंग्स
अन्नपूर्ण स्पाइकर किंग्सले 'क्याटेगोरी ए' बाट राजेन्द्र धामी र सुरेन्द्र खत्रीलाई समान १ लाख २० हजार रुपैयाँमा खरिद गरेको छ । यस्तै रबी केसी र विवास अधिकारीलाई जनही १ लाख रुपैयाँमा टोलीमा राखेको छ । 'क्याटेगोरी बी' तर्फ विभाष आले, जित बहादुर सार्की र देव राना मगरलाई जनही ५० हजार हजार रुपैयाँमा टोलीमा सामेल गरिएको छ ।
सगरमाथा स्माशर्स
सगरमाथा स्माशर्सले 'क्याटेगोरी ए' बाट सुवास कुँवरलाई १ लाख २० हजार रुपैयाँ र रुपेन्द्र नेपालीलाई १ लाख ५ हजार रुपैयाँमा आबद्ध गरेको छ । यस्तै भीम बहादुर गाहा र दीपक राज जोशीलाई जनही १ लाख रुपैयाँमा टोलीमा ल्याएको छ । 'क्याटेगोरी बी' बाट रमेश बम, सन्जोग परियार र रेशम छन्त्याललाई समान ५० हजार हजार रुपैयाँमा खरिद गरिएको छ ।
मधेश वारियर्स
मधेश वारियर्सले 'क्याटेगोरी ए' बाट सन्तोष महता र धन बहादुर भट्ट क्षेत्रीलाई जनही १ लाख २० हजार रुपैयाँमा टोलीमा भित्र्याएको छ भने रामविनय यादव र राजन थापालाई समान १ लाख रुपैयाँमा आबद्ध गरेको छ । 'क्याटेगोरी बी' बाट बिप्सन शाही ठकुरीलाई ७० हजार रुपैयाँ तथा सन्जु विक्रम शाह र रविन रसाइलीलाई जनही ५० हजार हजार रुपैयाँमा टोलीमा सामेल गरेको छ।
