कोलम्बियाकी पप गायिका शाकिराले आफ्नो गीतमा नेपाली बालबालिकाले बनाएको रिल्स सेयर गरेकी छन्।
फिफा विश्वकप २०२६ सम्बन्धी गीत ‘दाइ दाइ’ मा नेपालीले बनाएको रिल्स शाकिराले इन्स्टाग्राममा सेयर गरेकी हुन्।
यो गीतमा आयुषी ढकाल र जेभिनजेभिस अफिसियलको खाताबाट इन्स्टाग्राममा रिल्स बनाएर हालिएको थियो।
शाकिराले दुई साताअघि सार्वजनिक गरेको उक्त गीतको शैलीमा आयुषी र जेभिनजेभिसले आकर्षक नृत्य प्रस्तुत गरेका थिए।
उनले नेपालीको मात्र होइन अरुले बनाएको रिल्स पनि सेयर गरेकी छन्। मुख्य गरी उनको गीतमा बालबालिका नै नृत्य गरेका थिए।
शाकिराले ९६.५ मिलियन फलोअर्स भएको आफ्नो इन्स्टा खाताबाट नेपालीको रिल्स सेयर गरेपछि रिल्सको भ्युज अहिलेसम्म २.५ मिलियन पुगिसकेको छ। जसमा ८३ हजार बढी रियाक्सन आइसकेको छ।
