नेपाली कम्युनिस्ट पार्टी (नेकपा) का संयोजक पुष्पकमल दाहाल 'प्रचण्ड' ले बलिउड अभिनेता संजय दत्तसँगको भेटघाट अविस्मरणीय रहेको बताएका छन्।
नेपाल आएका संजयसँग बिहीबार बेलुका प्रचण्डको भेटघाट भएको थियो। सोही भेटघाटको तस्बिर सामाजिक सञ्जालमा पोस्ट गर्दै प्रचण्डले 'मुन्नाभाइ एमबिबिस' फिल्ममा संजय दत्तको अभिनयको आफू सधैं प्रशंसक रहेको बताएका हुन्। भेटका क्रममा संजयसँग भएको कुराकानी निकै रमाइलो भएको उनले बताएका छन्।
संजय दत्त क्यासिनो उद्घाटनका लागि बिहीबार काठमाडौं आएका थिए। उनले शुक्रबार दिउँसो पशुपतिनाथ दर्शक गरेका छन्। उनी आजै दिल्ली फर्किने तयारी रहेको बताइएको छ।
सञ्जय अभिनीत 'धुरन्धर' ले नेपालमा झन्डै १० करोड कमाइ गरिसकेको छ भने उनको अर्को फिल्म 'राजा साब' शुक्रबारदेखि प्रदर्शनमा आएको छ।
-1746009348.jpg)
