बलिउड अभिनेता फरदीन खानले १४ वर्षपछि अभिनयमा कमब्याक गरेका छन्।
उनले सञ्जय लीला भन्सालीको वेब सिरिज 'हीरामन्डी' बाट अभिनयमा कमब्याक गरेका हुन्। हालै वेब सिरिजको ट्रेलर सार्वजनिक भएको छ। सार्वजनिक ट्रेलरमा फरदीनका केही झलक देख्न सकिन्छ।
मंगलबार दिल्लीमा हिरामन्डीको ट्रेलर सार्वजनिक कार्यक्रम राखिएको थियो। कार्यक्रममा फरदीनले भने, 'म आफूलाई निकै भाग्यमानी ठान्छु कि म तपाईंहरूसँग जोडिन पाएँ। मलाई यो अवसर दिएकोमा सञ्जय लीला भन्साली र नेटफ्लिक्सलाई धेरै-धेरै धन्यवाद दिन चाहन्छु।'
'हीरामन्डी' मा फरदीनले मोहम्मदको भूमिका निवार्ह गरेका छन्। उनको पछिल्लो फिल्म सन् २०१० मा 'दुल्हा' रिलिज भएको थियो। यस फिल्मले बक्स अफिसमा राम्रो व्यापार गर्न सकेन। यस फिल्मपछि फरदीन अभिनयबाट टाढिएका थिए।
