बलिउड अभिनेत्री अनीत पड्डा फिल्म 'शक्ति शालिनी' मा मुख्य भूमिकामा देखिने तयारीमा छिन्।
फिल्म 'सैयारा' मार्फत ठूलो प्रसिद्धि कमाएपछि उनी 'शक्ति शालिनी' मा जोडिएकी थिइन्।
हरर-कमेडी यो फिल्मको कास्टिङलाई लिएर यतिबेला नयाँ अपडेट आएको छ। इण्डिया टुडेको रिपोर्ट अनुसार फिल्ममा 'होमबाउन्ड' अभिनेता विशाल जेठ्वा अनीतको अपोजिटमा देखिने भएका छन्। 'होमबाउन्ड' अस्करमा भारतको आधिकारिक प्रवेश फिल्म हो। यसमा इशान खट्टर र जान्हवी कपूरसँगै मन जितेका अभिनेता विशाल जेठवा अब म्याडक हरर कमेडी युनिभर्समा सामेल भएका हुन्।
फिल्ममा विशालले अनितसँग रोमान्स गर्नेछन्, तर उनको चरित्रलाई 'परम्परागत रोमान्टिक आर्कभन्दा बाहिर जाने' दाबी गरिएको छ।
'शक्ति शालिनी' म्याडक हरर कमेडी युनिभर्सको अर्को महत्वपूर्ण प्रोजेक्ट हो। निर्माताहरूले अघिल्लो वर्ष 'थामा' पोस्ट क्रेडिटमा यसको घोषणा गरेका थिए।
अनीत र विशालको जोडी दर्शकहरूले यसअघि 'सलाम भेंकी' (२०२२) मा देखेका थिए। 'शक्ति शालिनी' मा उनीहरूको पुनर्मिलनले दर्शकमा उत्साह थप्ने अपेक्षा गरिएको छ।
फिल्मको छायांकन सन् २०२६ को मार्चमा सुरू गर्ने योजना निर्माण टिमको छ। प्रदर्शन २४ डिसेम्बर २०२६ मा हुने तय छ।
-1746009348.jpg)
