बुधबार पनि नेप्से परिसूचक घटेको छ।
सोमबारदेखि घट्ने क्रममा रहेको नेप्सेले यसदिन पनि निरन्तरता पाएको हो।
नेप्से ४.८२ अंकले घटेर २५९८.८९ विन्दुमा बन्द भएको हो।
कारोबार रकम भने अघिल्लो दिनको तुलनामा केही बढेको छ।
मंगलबार ४ अर्ब ६५ करोड रूपैयाँको कारोबार भएकोमा यसदिन ४ अर्ब ७६ करोड रूपैयाँको कारोबार भएको छ।
यसदिन ३५२ वटा धितोपत्रको एक करोड २६ लाख ५५ हजार ३७४ कित्ता सेयर किनबेच भएको हो।
बुधबार १०९ कम्पनीको सेयर मूल्य बढेको छ भने १५७ वटाको घटेको छ। यस्तै, १३ कम्पनी स्थिर छन्।
सिन्धु विकास बैंकको मूल्य सर्वाधिक १४.३७ प्रतिशतले बढेको छ।
उक्त कम्पनीको प्रतिकित्ता मूल्य ४४४ रूपैयाँ ९० पैसा पुगेको छ।
यस्तै, सयपत्री हाइड्रोपावरको मूल्य ८.४१ प्रतिशतले बढेर प्रति कित्ता मूल्य ५८० रूपैयाँ कायम भएको छ।
यसदिन सानिमा ग्रोथ फण्डको मूल्य सर्वाधिक ३.७८ प्रतिशतले घटेको छ।
उक्त इकाइको मूल्य ९ रूपैयाँ ४१ पैसा पुगेको छ।
यसैगरी, चिरख्वा हाइड्रोपावरको मूल्य ३.६० प्रतिशतले घटेर प्रति कित्ता मूल्य ५३५ रूपैयाँमा सीमित भएको छ।
बुधबार घलेम्दी हाइड्रोको सर्वाधिक कारोबार भएको छ।
उक्त कम्पनीको २७१ रूपैयाँ ५० पैसामा ३८ करोड ४८ लाख रूपैयाँको कारोबार भएको छ।
यो मूल्य अघिल्लो दिनको तुलनामा ७.३१ प्रतिशत बढेको हो।
सर्वाधिक सेयर खरिद–बिक्री हुने दोस्रो सूचीमा पिपुल्स हाइड्रोपावर रहेको छ। उक्त कम्पनीको ३३३ रूपैयाँ ८० पैसामा २२ करोड ८३ लाख रूपैयाँ बराबरको सेयर कारोबार भएको छ।
आज कारोबारमा आएका १३ वटा समूहगत परिसूचकमध्ये तीन समूहको परिसूचक बढेको छ भने बाँकी १० समूहको घटेको छ।
यसमध्ये व्यापार समूहको परिसूचक सर्वाधिक १.१८ प्रतिशतले बढेको छ।
