महालक्ष्मी विकास बैंकले 'महालक्ष्मी महा सोमबार' सञ्चालन गर्ने भएको छ।
बैंकले डिजिटल कारोबार प्रवर्द्धन गर्न, ग्राहक सुविधा अभिवृद्धि गर्न तथा सुरक्षित र नगद रहित बैंकिङ कारोबारलाई बढावा दिन 'महालक्ष्मी महा सोमबार' सञ्चालन गर्ने भएको हो।
यस योजना अन्तर्गत महालक्ष्मी विकास बैंकका डेबिट तथा क्रेडिट कार्डवाहक ग्राहकहरुले हरेक सोमबार दराज मार्फत अनलाईन सामान खरिद गर्दा विशेष छुट प्राप्त गर्न सक्नेछन्।
बैंकका डेबिट कार्ड लिएका ग्राहकहरूले दराज नेपाल मार्फत न्यूनतम १ हजार ९९९ रूपैयाँ बराबरको सामान खरिद गर्दा १० प्रतिशत वा अधिकतम ७५० रूपयाँ छुट प्राप्त गर्नेछन्।
क्रेडिट कार्ड लिएका ग्राहकहरुले न्यूनत्तम १ हजार ९९९ रूपैयाँ बराबरको सामान खरिद गर्दा १५ प्रतिशत वा अधिकतम १ हजार रूपैयाँ छुट प्राप्त गर्नेछन्।
यो योजना हरेक सोमबार मात्र लागु हुनेछ भने सीमित संख्यामा तथा पहिले आउनेलाई प्राथमिकताका आधारमा छुट उपलब्ध हुने भएकाले ग्राहकहरूले हरेक सोमबार समयमै यस योजनाको लाभ लिन सक्नेछन्।
यस प्रकारका योजना मार्फत बैंकले आफ्ना ग्राहकहरूलाई डिजिटल भुक्तानी तथा कार्डमार्फत हुने कारोबारमा थप प्रोत्साहित गर्दै आधुनिक बैंकिङ सेवाको प्रयोग विस्तार गर्नुका साथै ग्राहकहरूलाई दैनिक कारोबारमा थप सुविधा, बचत तथा मूल्य अभिवृद्धि प्रदान गर्न सहयोग पुग्ने विश्वास बैंकले लिएको छ।
