बुद्ध एयरले आफ्ना रोयल क्लब सदस्यहरूका लागि लामो दूरीका आन्तरिक उडानमा १२ सय रूपैयाँसम्म छुट दिने 'गज्जबको डिस्काउन्ट अफर' सार्वजनिक गरेको छ।
असार १ गतेदेखि लागु हुने यस अफरअन्तर्गत धनगढी, नेपालगञ्ज र भद्रपुर गन्तव्यका दुईतर्फी उडानमा विशेष छुट उपलब्ध हुनेछ।
बुद्ध एयरका अनुसार धनगढी उडानमा १२०० रूपैयाँ, नेपालगञ्ज उडानमा १००० रूपैयाँ तथा भद्रपुर उडानमा ८०० रूपैयाँसम्म छुट प्रदान गरिनेछ। यो अफर सीमित अवधिका लागि लागु रहने कम्पनीले जनाएको छ।
अफरको लाभ लिन यात्रुले टिकट बुकिङ गर्दा अनिवार्य रूपमा आफ्नो रोयल क्लब सदस्य नम्बर (माइलेज आइडी)उल्लेख गर्नुपर्नेछ।
माइलेज आईडी समावेशसनगरिएका बुकिङमा छुट सुविधा लागु नहुने बुद्ध एयरले स्पष्ट पारेको छ। ट्राभल एजेन्सीमार्फत टिकट काट्ने यात्रुले पनि माइलेज आइडी प्रविष्ट गर्न अनुरोध गर्नुपर्नेछ।
बुद्ध एयरले धनगढीमा दैनिक तीन, नेपालगञ्जमा पाँच तथा भद्रपुरमा पाँच उडान सञ्चालन गर्दै आएको छ।
रोयल क्लब सदस्यता वेबसाइट वा मोबाइल एपमार्फत सजिलै लिन सकिने कम्पनीले जनाएको छ।
सदस्यहरूले ५ केजी अतिरिक्त लगेज सुविधा प्राप्त गर्नुका साथै विभिन्न सुपरमार्केट, किराना पसल, होटल, रिसोर्ट र उपहार पसलमा माइलेज प्वाइन्ट प्रयोग गरी छुट सुविधा लिन सक्नेछन्।
यसैबीच, बुद्ध एयरले आफ्ना रोयल क्लब सदस्यहरूलाई निःशुल्क फिफा विश्वकप फुटबल सब्सक्रिप्सन पनि उपलब्ध गराउने भएको छ।
यसका लागि कम्पनीले एचटिभी–दिगो ब्रोडकास्टिङ कन्सोर्टियम जेभीसँग सम्झौता गरेको जनाएको छ।
डिजिओ एपमार्फत फिफा विश्वकपका सबै खेलहरू हेर्न मिल्ने उक्त सुविधा रोयल क्लब सदस्यहरूलाई आगामी चार सातासम्म हरेक साता सयौंको संख्यामा निःशुल्क उपलब्ध गराइने बुद्ध एयरले जनाएको छ।
