राष्ट्रिय स्वतन्त्र पार्टीको केन्द्रीय कार्यालय वनस्थलीमा बसिरहेको ५८ औं केन्द्रीय समिति बैठकले एकतामा आएका उज्यालो नेपाल पार्टी, काठमाडौं महानगरपालिकाका मेयर बालेन शाह समूह सहितलाई पद मिलान गर्न उपसभापति, महामन्त्री, सहमहामन्त्री र सहप्रवक्ता थप गर्ने निर्णय गरेको छ।
आइतबार बसेको केन्द्रीय समिति बैठकले उपसभापति, महामन्त्री, सहमहामन्त्री र सहप्रवक्ता एक–एक पद थप गर्ने निर्णय गरेको हो।
उज्यालो नेपाल पार्टीसँग सहमति हुँदा कुलमान घिसिङलाई उपसभापति दिने सहमति भएको थियो।
रास्वपाको मौजुदा विधानमा दुई जना मात्रै उपसभापति रहने प्रबन्ध छ।
डोलप्रसाद अर्याल र स्वर्णिम वाग्ले अहिले पहिलो र दोस्रो वरीयताका उपसभापति छन्। घिसिङको वरीयता अब पहिलो रहने सहमति भएको छ।
त्यस्तै महामन्त्री, सहमहामन्त्री र सहप्रवक्ता काठमाडौं महानगरपालिकाका मेयर बालेन समूहले पाउने छ। उनीहरूले यी पदका लागि नाम भने पठाइसकेका छैनन्।
अहिले सहप्रवक्ता २ जना रहेकोमा अब ३ जना हुनेछन्।
-1746009348.jpg)
