नेपाली कांग्रेसका कार्यवाहक सभापति पूर्णबहादुर खड्काले राष्ट्रियसभा निर्वाचनका लागि नेकपा एमाले, नेपाली कम्युनिस्ट पार्टी र जनता समावादी पार्टी नेपालसँग सहकार्य गरेर जानेबारे छलफल भइरहेको ब्रिफिङ गरेका छन्।
उनले सोमबार बसेको केन्द्रीय कार्यसम्पादन समिति बैठकमा संविधान बनाउने र रक्षा गर्ने शक्तिहरू मिल्नुपर्ने भन्दै त्यसका लागि चार दलबीच सहकार्यको तयारी भइरहेको ब्रिफिङ गरेका हुन्।
केन्द्रीय कार्यसम्पादन समितिका सदस्य रमेश लेखकका अनुसार सोमबार बिहान कार्यवाहक सभापति खड्का र एमाले अध्यक्ष केपी शर्मा ओलीबीच भेटवार्ता भएको थियो। उक्त भेटवार्तामा संविधान बनाउने र जोगाउने पक्ष सहकार्य गर्ने विषयमा कुराकानी भएको उनले बताए।
'आज बिहान म र कार्यवाहक सभापति नेकपा एमालेका अध्यक्ष केपी शर्मा ओलीलाई भेट्न गुण्डु पुगेका थियौं, संविधान बनाउने र जोगाउने शक्तिहरूबीच सहकार्य गर्ने कुरा भएको छ,' उनले भने, 'आज साँझ फेरि उहाँसँग हामी छलफल गर्छौं।'
माघ ११ गते हुने राष्ट्रियसभा निर्वाचनका लागि पुस २३ गते उम्मेदवारी दर्ताको कार्यक्रम छ। रिक्त हुने १९ मध्ये १८ पदका लागि निर्वाचन हुँदैछ। कांग्रेसले कम्तिमा ६ सिट र बढीमा ८ सिट पाउने गरी दाबी गरिरहेको छ।
-1746009348.jpg)
