राष्ट्रिय स्वतन्त्र पार्टीका उपसभापति स्वर्णिम वाग्लेले देशको अनुहार जस्तो छ, पार्टीको अनुहार पनि त्यस्तै हुनुपर्ने धारणा राखेका छन्।
सोमबार नागरिक उन्मुक्ति पार्टीका पूर्व नेतृत्व साथै थरूहट/थारूवान अभियानीहरूबीच पार्टी एकता घोषणालाई सम्बोधन गर्दै पार्टी र राज्यको अनुहार विविधतायुक्त हुनुपर्ने बताएका हुन्।
‘रास्वपामा हामीले वैचारिक स्पष्टता ल्याउने क्रममा एउटा कुरा मैले बारम्बार भन्ने गरेको छु– यो देशको अनुहार जस्तो छ, हाम्रो पार्टीको अनुहार पनि त्यस्तै हुनुपर्छ, हाम्रो राज्यको अनुहार पनि त्यस्तै हुनुपर्छ। यो विविधतापूर्ण समाज हुनैपर्छ भन्नेमा कटिबद्ध छौं,’ उनले भने।
आफै पनि चितवन सौराहा थारू गाउँ नजिकै धेरै समय बिताएकाले विविधतायुक्त नेपाली समाजसँग आफू परिचित रहेको धारणा राखे।
‘मेरो बाल्यकालीन भोगाइ, स्मृति थारू समुदायसँग नजिकनजिक छन्। ठ्याक्कै थारूको दाइ, भाइ भन्न नसके पनि तन्काएर थारूको भतिजसम्म बन्न सक्छु,’ उनले भने।
-1746009348.jpg)
