आसन्न प्रतिनिधिसभा निर्वाचनका लागि काठमाडौं निर्वाचन क्षेत्र नम्बर ९ बाट राष्ट्रिय जनमाेर्चाबाट पाँच जनाकाे नाम सिफारिस गरेकाे छ।
सिफारिस हुनेमा राष्ट्रिय जनमाेर्चाका युवा नेताहरूदेखि जिल्ला अध्यक्षसम्म छन्।
राष्ट्रिय जनमाेर्चाका नेता आनन्द शर्माका अनुसार राेसन दानी, झविलाल (झविन्द्र ) बेलबासे, वीरेन्द्र महर्जन, बिबी अधिकारी र चेतन नारायण (लक्ष्मण) बेलबासेलाई सिफारिस गरिएको हो।
सिफारिसमा पहिलाे नम्बरमा राष्ट्रिय जनमाेर्चाका युवा नेता राेसन दानी छन्। दानी सामाजिक रूपान्तरणका लागि लड्दै आइरहेका व्यक्ति हुन्। उनी प्रगतिशील पत्रकार महासंघ नेपालका केन्द्रीय सदस्य तथा काठमाडौं जिल्ला अध्यक्षका साथै राष्ट्रिय जनमाेर्चाका केन्द्रीय परिषद सदस्य समेत रहेका छन्।
राष्ट्रिय जनमाेर्चाका काठमाडौं जिल्ला अध्यक्ष झविलाल (झविन्द्र ) बेलबासे, राष्ट्रिय जनमाेर्चाका युवा नेता तथा संकटा युवा क्लब केन्द्रीय सदस्य वीरेन्द्र महर्जन दाेस्रो नम्बरमा सिफारिस भएका हुन्। महर्जन काठमाडौं २२ नम्बर वडा टेवाहालका स्थानीय समाजसेवी हुन्।
युवा व्यवसायी तथा अखिल नेपाल राष्ट्रिय उद्योग व्यापार संघका केन्द्रीय काेषाध्यक्ष तथा उपत्यका स्तरीय समितिका अध्यक्ष बिबी अधिकारी, प्रगतिशील पत्रकार संघ नेपाल काठमाडौं जिल्ला सचिव तथा पत्रकार महासंघका जिल्ला सदस्य चेतन नारायण (लक्ष्मण) बेलबासे पनि काठमाडौं क्षेत्र नम्बर ९ का लागि सिफारिस भएकाे राष्ट्रिय जनमाेर्चाका नेताले जानकारी दिए।
-1746009348.jpg)
