नेपाली कांग्रेसका महामन्त्री विश्वप्रकाश शर्माले पार्टी केन्द्रीय समितिमा ४० वर्ष मुनिका ४० जनालाई ल्याउने गरी विधानमा व्यवस्था गर्ने प्रस्ताव राेखका छन्।
भृकुटीमण्डपमा जारी विशेष महाधिवेशनको बन्द सत्रमा महामन्त्री शर्माले प्रस्तुत गरेको प्रतिवेदनमा ४० वर्ष मुनिका ४० जनालाई केन्द्रीय समितिमा ल्याउन विधानमै व्यवस्था गर्ने गरी प्रस्ताव गरेका हुन्।
त्यसका लागि ३० वर्ष मुनिका २० जना र ३० भन्दामाथि र ४० नकटेका २० गरी केन्द्रीय समितिमा ४० जना समेट्न प्रस्ताव गरेका हुन्।
त्यस्तै प्रदेश कार्यसमितिमा दुवै उमेर समूहको १०/१० जना समेटिने प्रस्ताव छ।
जिल्ला, संघीय क्षेत्र, प्रदेश सभा क्षेत्र, पालिका कार्यसमितिमा न्यूनतम ६/६ जना समेट्ने गरी विधानमै व्यवस्था गर्ने महामन्त्री शर्माको प्रतिवेदनमा उल्लेख छ।
वडा कार्यसमितिमा न्यूनतम ४/४ जना सो उमेर समूहका रहने गरी व्यवस्था गर्ने प्रस्ताव छ।
त्यस्तै केन्द्र र प्रदेश महाधिवेशन प्रतिनिधि छनोट गर्दा हरेक निर्वाचन क्षेत्रबाट महिला २ जना र १ जना पुरूष गरी तीन जना ३० वर्ष मुनिको पर्नेगरी ४ जना प्रतिनिधि छान्ने प्रस्ताव पनि उनको प्रतिवेदनमा उल्लेख छ।
ती प्रस्तावहरुमा बन्द सत्रमा सहभागी प्रतिनिधिले छलफल गरी निष्कर्षमा पुग्नेछ।
के छ उनको प्रतिवेदनमा
-1746009348.jpg)
