राष्ट्रिय स्वतन्त्र पार्टी (रास्वपा) सांसद क्रान्तिशिखा धितालले सुकुम्बासी व्यवस्थापनको नाममा सरकारले अपनाएको कार्यशैलीप्रति असन्तुष्टि जनाएकी छन्।
उनले सुकुम्बासीहरूको व्यवस्थापन अत्यन्तै आवश्यक रहे पनि सरकारले त्यसलाई संवेदनशील, योजनाबद्ध र जिम्मेवार ढंगले अघि बढाउन नसकेको बताएकी हुन्।
सोमबार आफ्नो सामाजिक सञ्जालमा लेख्दै उनले भनेकी छन्, 'आज सडकमा बगिरहेका सुकुम्बासीका आँसुले हामी सबैलाई पोल्नुपर्छ। सुकुम्बासीहरूको व्यवस्थापन अत्यन्तै आवश्यक थियो। तर के यो हाम्रो वाचापत्र अनुसार भयो? के अभिभावकीय राज्य यस्तै हुन्छ? जुन संवेदनशीलता, योजना र जिम्मेवारीका साथ यो कार्य अघि बढाइनुपर्थ्यो, त्यसरी भएन। यसले जम्माजम्मी राज्यको कमजोरी र असक्षमतालाई मात्र उजागर गर्यो।'
यी पनि पढ्नुस्-
'आजबाट खाना हुँदैन' भनेपछि होल्डिङ सेन्टर छाड्न बाध्य भए सुकुम्बासीहरू
१ हजार ४४१ सुकुम्बासी परिवारले लिए पैसा, आजसम्म निवेदन नदिनेले नपाउने
