प्रतिपक्षी दल श्रम संस्कृति पार्टीकी सांसद राधिका रम्तेलले सरकार ढुंगा जस्तै मौन भएको बताएकी छन्।
शुक्रबार प्रतिनिधि सभा बैठकमा बोल्दै उनले सरकारले जनप्रतिनिधिहरुको आवाज सुन्नुपर्ने संवैधानिक दायित्व समेत पूरा नगरेको आरोप समेत लगाएकी हुन्।
सांसद रम्तेलले प्रधानमन्त्री बालेन्द्र साहको राष्ट्रघाती अभिव्यक्ति सच्याउनुपर्ने आफूहरुको माग समेत अझै सुनुवाई हुन नसकेको गुनासो समेत गरिन्।
'नेपालीमा एउटा उखान छ–ढुंगालाई जति पानी खन्याए पनि त्यो गल्दैन । तर लोकतन्त्रमा सरकार ढुंगाजस्तो मौन हुन मिल्दैन । संसदमा उठेका जनप्रतिनिधिका आवाज सुन्नु सरकारको दायित्व र जवाफ दिनु संवैधानिक जिम्मेवारी हो। यही विषयमा हामीले निरन्तर सरकारको ध्यानाकर्षण गराउँदै आएका छौँ । तर आजसम्म पनि प्रधानमन्त्रीज्यूको अभिव्यक्तिबारे न त स्पष्टता आएको छ, न संसदले चित्तबुझ्दो जवाफ पाएको छ,' उनले भने।
गणेश नेपालीको मृत्युले देशवासी अन्त्यन्त दुःखी भएको पनि उनले बताइन्। उनले सम्बन्धित मन्त्रालयले छानबिन गरी मृतकका परिवारलाई राहत दिन अनुरोध पनि गरिन्।
