ललितपुरको हात्तीवनमा एक सोफा कारखानामा आगलागी हुँदा मृत्यु हुने व्यक्तिको परिचय खुलेको छ।
सोफा बनाउने सिक्मा मेटल इन्टेक्समा शनिबार बिहान आगलागी हुँदा एक व्यक्तिको जलेर मृत्यु भएको थियो। आइतबार उनको परिचय खुलेको हो।
जिल्ला प्रहरी परिसर ललितपुरका प्रवक्ता एसपी नरेशराज सुवेदीका अनुसार मृतक काभ्रेपलाञ्चोकको पाँचखालका राजु ठकुरी भनिने भोजबहादुर पहरी हुन्।
मृतकका परिवारले उनको शव पहिचान गरेका हुन् । पहरी सोही कारखानाका कामदार हुन्।
आगलागीबाट १० लाख बढीको क्षति भएको प्रवक्ता सुवेदीले बताए।
उनले विद्युत् चुहिएर आगलागी भएको हो र आगलागीबाट सोफा तथा तिनलाई बनाउन प्रयोग गरिने कच्चा पदार्थ नष्ट भएको जानकारी दिए।
-1746009348.jpg)
