नवलपरासी (बर्दघाट सुस्ता पूर्व) मा डलर सटही गर्ने भनेर झुक्काएर ३० लाख रूपैयाँ ठगी गरेको आरोपमा दुई जना पक्राउ परेका छन्।
गौडाकोट नगरपालिका-३ स्थित ढोडेनीमा अमेरिकी डलर सही गर्ने भनि झुक्काएर ३० लाख ठगी गरेका दुई जनालाई पक्राउ गरिएको हो।
पक्राउ पर्नेमा भक्तपुर चाँगुनारायण नगरपालिका-३ बस्ने ३८ वर्षीया ताराबहादुर तामाङ र सिन्धुपाल्चोक बाह्रबिसे नगरपालिका-३ का २३ वर्षीय गौतम डुम्जङ छन्।
उनीहरूलाई मकवानपुरको वडा एरियामा लुकिछिपी बसेको सूचनाको आधारमा जेठ १७ गते पक्राउ गरिएको जिल्ला प्रहरी कार्यालय नवलपरासी (बर्दघाट सुस्ता पूर्व) का डिएसपी मधु नेपालले जानकारी दिए।
उनका अनुसार २०८१ चैत २६ गते नवलपरासीमा अमेरिकी डलर सटही गर्ने भनेर झुक्कानमा पारेको उजुरी छ।
उनीहरूविरूद्ध जेठ १८ गते आइतबार ठगी अपराधिक विश्वासघात तथा आपराधिक लाभ (एक्सर्टन) सम्बन्धी कसूरमा जिल्ला अदालतबाट अनुमती लिई अनुसन्धान भइरहेको डिएसपी नेपालले बताए।
.jpg)
