अमेरिका जाने क्रममा बाटोमै अस्ताएका पूर्वबहादुर डाँगीका परिवारलाई ६ लाख सहयोग हस्तान्तरण गरिएको छ।
गत फागुन २१ गते अवैध मार्ग (तल्लो बाटो) हुँदै अमेरिका जाने क्रममा घानाको आक्रा भन्ने स्थानमा हृदयघातका कारण डाँगीको ३७ वर्षको उमेरमा मृत्यु भएको थियो।
नेपाली कांग्रेस दाङका सभापति शंकरप्रसाद डाँगीले अमेरिकामा गठित राप्ती समाजका अध्यक्ष डिबीबहादुर रावत नेतृत्वको टोलीलाई पूर्णको परिवारका लागि सक्दो आर्थिक सहायता संकलन गर्न आग्रह गरेका थिए।
त्यो आग्रहका आधारमा अमेरिका बस्ने विभिन्न व्यक्तिहरूसँग अध्यक्ष रावतले ६ लाख ३ हजार ७ सय रुपैयाँ सहयोग पठाएको थियो।
बिहीबार तुलसीपुर उपमहानगरपालिका–९ बेलुवास्थित घरमा पुगेर नेपाली कांग्रेस दाङका सभापति शंकरप्रसाद डाँगी, तुलसीपुरका नगर सभापति सुरेश हमाल, तुलसीपुर वडा नम्बर ९ का वडाध्यक्ष घनश्याम ढकाल, कांग्रेसका युवा नेताहरू दुर्गाबहादुर खड्का, सन्तोष चौधरी लगायतको टोली पुगेर स्वर्गीय पूर्णका बुवा तेजबहादुर डाँगीलाई सहयोग रकम हस्तान्त्रण गरेका हुन्।
यो पनि:
घानामा बितेका उनको शव २५ दिनपछि आइपुग्यो घर
-1746009348.jpg)
