कैलालीमा एक जना शिक्षकको मृत्युको घटनामा पक्राउ परेका तीनै जनालाई अदालतले पुर्पक्षका लागि थुनामा पठाउन आदेश दिएको छ।
धनगढी उपमहानगरपालिका-५ घर भई जानकी गाउँपालिका – ४ को मनुवास्थित जनता माध्यमिक विद्यालयका शिक्षक रहेका ४५ वर्षीय जगदीश पन्तको साउन ३ गते बेलुकी मृत्यु भएको थियो।
घटनामा पक्राउ परेका टिकापुर नगरपालिका-१ चारकठ्ठाका ३२ वर्षीय वीरेन्द्र हमाल, ३६ वर्षीय लोकेन्द्र रावल र जानकी गाउँपालिका-९ अमरावतीका ३४ वर्षीय सुनिल रावललाई पुर्पक्षका लागि थुनामा पठाउन आदेश भएको कैलालीका डिएसपी राजकुमार सिंहले बताए।
तीन जनाले जगदीशलाई टीकापुर नगरपालिका-१ स्थित एउटा रेस्टुरेन्टमा बोलाका थिए। रेस्टुरेन्टमा उनीहरूले मदिरा सेवन गरेका थिए।
शिक्षक पन्तले त्यो दिन मदिरा सेवन गरे/नगरेको खुलेको छैन। मदिरा खाँदै तीनै जनाले शिक्षक पन्तलाई ज्यानको धम्की दिएको पनि अनुसन्धानमा खुलेको छ।
डिएसपी सिंहका अनुसार घटनास्थल नजिकै विषादीको बोत्तल पनि प्रहरीले फेला पारेको थियो।
तीन जना मिलेर शिक्षक पन्तको पेय पदार्थमा विषादी मिलाई दिएको आशंका प्रहरीले सुरूदेखि नै गर्दै आएको थियो।
पोष्टमर्टम रिपोर्टले पनि शिक्षक पन्तको मृत्यु विषादी सेवनका कारण भएको खुलाएको छ।
तर, प्रहरीले सरकारी वकिल कार्यालयमा बुझाएको प्रतिवेदनमा तीनै जना कसुरदार देखिएको तथा सबैलाई ज्यान उद्योग सम्बन्धी मुद्दा चलाउन राय पेश गरेको थियो।
सोही अनुसार सरकारी वकिल कार्यालयले मुद्दा चलाएको थियो। त्यसमाथि सुनुवाई गर्दै जिल्ला अदातलले पक्राउ परेका तीनै जनालाई साउन ३० गते पूर्पक्षका लागि थुनामा पठाउन आदेश दिएको डिएसपी सिंहले जानकारी दिए।
यो पनिः साथीसँग बसेर मदिरा पिउँदा पिउँदै ढलेका शिक्षकको मृत्यु भएको घटनामा तीन जना पक्राउ
-1756794700.JPG)
-1746009348.jpg)
