रामेछाप कारागारमा सेनाले गोली चलाउँदा दुई जनाको मृत्यु भएको छ।
जनसम्पर्क तथा सूचना निर्देशनालयका अनुसार कैदीबन्दीहरूले बाहिर आउनपाउनुपर्ने भन्दै आन्दोलन गरेका हुन्।
रोक्न खोज्दा झडप भएको थियो।
नेपाली सेनाले चलाएको गोली लाग्दा दुई जनाको मृत्यु र १२ जना कैदी घाइते भएका छन्।
अहिले देशभरिकै कारागारबाट कैदीबन्दीहरू भागिरहेका छन्। नख्खु कारागार रित्तिएको छ।
केन्द्रीय कारागारबाट अधिकांस व्यक्तिहरू फरार भएका छन्। जिल्लाका कारागारहरूबाट पनि कैदीबन्दीहरूले भाग्ने प्रयास गरिरहेका छन् भने सेनाले खोजी गरिरहेको छ।
सप्तरीको राजविराजस्थित कारागारबाट भाग्ने प्रयास गरेका १९२ जना कैदीलाई सेनाले नियन्त्रणमा लिएको छ।
त्यसैगरी कञ्चनरपुरमा भारतीय सीमा सुरक्षा बलले पनि कञ्चनपुरको चाँदनीमा ७ जना कैदीहरूलाई नियन्त्रणमा लिई नेपाली सेनालाई बुझाएको छ। १ जना कैदीलाई स्थानीयले नियन्त्रणमा लिई इलाका प्रहरी कार्यालयलाई बुझाएको र १२ जना कैदीहरू आफैँ कारागारमा हाजिर भएका छन्।
-1746009348.jpg)
