सिन्धुली कारागार तोडेर भागेका १७१ कैदीबन्दीलाई प्रहरीले नियन्त्रणमा लिएको छ।
बुधबार दिउँसोदेखि बिहीबार बिहान १० बजेसम्म १७१ जना कैन्दीबन्दीलाई नियन्त्रणमा लिइएको हो।
नेपाली सेना, सशस्त्र प्रहरी र प्रहरीको सहयोगकोमा बुधबार भागेका कैदीबन्दीलाई नियन्त्रणमा लिने प्रयास भइरहेको जिल्ला प्रहरी कार्यालय सिन्धुलीको डिएसपी सूर्यप्रकाश सुवेदीले जानकारी दिए।
'हामीले भागेका कैदीबन्दीलाई नियन्त्रणमा लिने प्रयास गरिरहेका छौं,' डिएसपी सुवेदीले भने।
बुधबार दिउँसो सवा १ बजे कारागाराको सुरक्षा घेर तोडेर सबै कैदीबन्दी फरार भएका थिए। जिल्ला कारागारमा ४२८ पुरूष र ४३ जना महिला कैदीबन्दी र थुनुवा थिए।
हिजो बिहानदेखि कारागारमा तोडफोड र आगजनी गरेका उनीहरू दिउँसो भागेका थिए।
प्रहरीले फरार भएका कैदी तथा थुनुवाको सूचना प्राप्त भए नजिकैको प्रहरी कार्यालयमा सम्पर्क गर्न अनुरोध गरेको छ।
-1746009348.jpg)
