मोरङ भदौ २४ मा अराजक समूहले आगजनी गरेर ध्वस्त पारेको मोरङ जिल्ला प्रशासनको सेवा प्रवाह अनिश्चितकालका लागि स्थगित भएको छ।
अराजक समूहले कार्यालयको सम्पूर्ण कागजातहरु जलाइदिएको थियो। जसका कारण कार्यालयले प्रदान गर्दै आएको सम्पूर्ण सेवा अनिश्चितकालका लागि स्थगित भएको हो।
सहायक प्रमुख जिल्ला अधिकारी सरोज कोइरालाले आइतबार सूचनामार्फत तोडफोड र आगजनीबाट कार्यालय पूर्ण रुपमा क्षति भएको, कार्यालयको अभिलेख र कागजातहरू जलेर नष्ट भएकोले प्रवाह हुने सेवा अर्को सूचना नआएसम्मका लागि स्थगित गरिएको उल्लेख गरेका छन्।
कार्यालयले सकेसम्म छिटो सेवा प्रदान गर्न प्रयत्न जारी राखिने जनाएको छ ।
प्रदर्शनकारीले आगजनी गर्दा जिल्ला प्रशासन कार्यालयको नागरिकता, राष्ट्रिय परिचयपत्र, पासपोर्ट लगायतका अन्य धेरै सेवा प्रवाहसँग सम्बन्धित अभिलेख जलेका छन्।
-1746009348.jpg)
