प्यूठानको एक होटेलमा जुवा खेलिरहेका ११ जनालाई प्रहरीले नियन्त्रणमा लिएको छ।
गएराति ११ बजेतिर जिल्लाका प्रहरी निरीक्षक गणेश ज्ञवाली नेतृत्वको टोलीले स्वर्गद्धारी नगरपालिका– ४ बाझीपुरस्थित मुनलाइट होटलबाट उनीहरुलाई पक्राउ गरेको हो।
होटेलको दोस्रो तलाको कोठामा पैसाको हारजित हुने गरी जुवातास भई रहेको भन्ने गोप्य सूचनाका आधारमा पुगेको प्रहरीले जुवा खालमा छापा हानेर उनीहरुलाई पक्राउ गरेको हो।
प्रहरी प्रवक्ता समेत रहेका ज्ञवालीका अनुसार जुवा खालबाट १ लाख ८५ हजार ११२ रुपैयाँ बरामद भएको थियो।
