क्यानडा भ्रमणमा रहेको नेपाली राष्ट्रिय क्रिकेट टोलीलाई नेप्लिज क्यानेडियन क्रिकेट क्लबले 'मिट एन्ड ग्रिट' कार्यक्रम आयोजना गरेको छ।
क्यानाडामा रहेका नेपालीले नेपाली राष्ट्रिय क्रिकेट टिमका खेलाडीलाई भेटघाट गराउन यस कार्यक्रम गरेको क्लबका सचिव विनय यादवले जानकारी दिए।
संस्कृतिक कार्यक्रम साथसाथै नेपाली राष्ट्रिय क्रिकेट टिमसँग नेपाली समुदायसँगको मिट एन्ड ग्रिट कार्यक्रम सफलताको साथ सम्पन्न भएको र कार्यक्रममा एनआरएनए क्यानडा, नेपाली दूतावासले कार्यक्रम गर्न सहयोग गरेका थिए।
क्लबका अध्यक्ष किरोज श्रेष्ठले सहयोग गर्ने सबैलाई धन्यवाद दिए।
अब नेपालले क्यानडासँग दुई खेलको एकदिवसीय श्रृंखला खेल्नेछ।
नेपाल र क्यानडाबीचको पहिलो खेल असार २० गते र दोस्रो खेल असार २१ गते हुनेछ।
त्यसपछि नेपाली टिम स्कटल्यान्ड जानेछ। त्यहाँ नेपाल, स्कटल्यान्ड र नामिबियाबीच लिग-२ अन्तर्गत त्रिकोणात्मक एकदिवसीय सिरिज हुनेछ।
1656925952.jpg)
