टप एन्ड टी–२० सिरिजमा नेपालले आज पहिलो खेल खेल्दैछ।
नेपालले घरेलु टोली एनटी स्टाइकसँग पहिले ब्याटिङ गर्न लागेको हो। टस जितेको एनटीले फिल्डिङ रोजेको छ।
नेपाली टोली
अनिलकुमार साह (कप्तान तथा विकेटकिपर), त्रितराज दास, कुशल भुर्तेल, पवन सर्राफ, कुशल मल्ल, लोकेश बम, रशिद खान, नारायण जोशी, आकाश चन्द, शाहब आलाम, रिजन ढकाल
आजदेखि सुरु भएको सिरिजमा नेपाल ‘ए’ ले नेपालले यही भदौ ६ मा बंगलादेश हाई पर्फर्मेन्स र भदौ ८ मा होबार्ट हरिकेन्स एकेडेमी खेल्नेछ।
यस्तै भदौ १० मा अस्ट्रेलियन क्यापिटल टेरिटोरी, भदौ ११ मा हैदरावाद किङ्समेन एकेडेमी तथा भदौ १३ मा भिक्टोरिया सिए–११ विरुद्ध खेल्ने छ।
क्यानका अनुसार अष्ट्रेलियामा रहँदा नेपाल ‘ए’ ले न्युजिल्याण्ड ‘ए’, तास्मानिया र साउथ अस्ट्रेलियाविरूद्ध एकदिवसीय अभ्यास खेलसमेत खेल्ने तालिका छ।
