टप इन्ड टी-२० सिरिजपछि नेपालको ए राष्ट्रिय क्रिकेट टोलीले अस्ट्रेलियामा थप तीन वटा एकदिवसीय खेल खेल्दैछ।
नेपालले पहिलो खेल बुधबार तस्मानियासँग खेल्दैछ।
यस्तै दोस्रो खेल शुक्रबार दक्षिण अस्ट्रेलियासँग खेल्ने नेपाल क्रिकेट संघ (क्यान) ले जनाएको छ।
अन्तिम न्युजिल्यायन्डको ए टोलीसँग हुनेछ। यो खेल आइतबार हुनेछ।
यसअघि नेपालले टप इन्ड सिरिजमा ६ मध्ये २ खेलमा जित निकालेको थियो।
यद्यपी सिरिजमा नेपालका ओपनर कुलश भुर्तेलले उत्कृष्ट प्रदर्शन गर्दै सिरिजकै सर्वाधिक रन स्कोर गरेका थिए। भुर्तेलले ६ खेलमा कुल ३०२ रन बनाएका थिए।
