नेपाल प्रिमियर लिग (एनपिएल) मा आज सुदूरपश्चिम रोयल्स र पोखरा एभेन्जर्सबीच प्रतिस्पर्धा हुँदैछ। त्रिवि क्रिकेट मैदानमा साँझ ५ बजे सुरु हुने खेलमा पोखराले बंगलादेशका दुई स्टार क्रिकेटर शकिब अल हसन र मेहदी हसनलाई प्लेइङ-११ मा समेटेको छ।
खेलमा सुदूरपश्चिम रोयल्सका कप्तान दीपेन्द्रसिंह ऐरीले टस जितेर पहिले बलिङ गर्ने निर्णय गरेका छन्।
सुदूरपश्चिमले प्रतियोगिताको पहिलो खेलमा लुम्बिनी लायन्ससँग पराजय बेहोरेको थियो। आजको खेलमा उसले लुम्बिनीविरुद्ध खेलेकै टोलीलाई निरन्तरता दिएको छ। पोखरा भने यस सिजनको पहिलो खेल खेल्दैछ।
पोखराको कप्तानी कुशल भुर्तेलले गर्नेछन्। टोलीमा शकिब र मेहदीसँगै श्रीलंकाका धनन्जय लक्षन र सामराविक्रमा पनि छन्। पोखरा विदेशी खेलाडीको अनुभवका साथै नेपाली खेलाडीको प्रदर्शनबाट प्रतियोगितामा सुखद सुरुवात गर्ने लक्ष्यमा हुनेछ।
टस: सुदूरपश्चिम रोयल्सले जितेर पहिले बलिङ रोज्यो।
खेल सुरु: साँझ ५ बजे
स्थान: त्रिवि क्रिकेट मैदान, काठमाडौं
सुदूरपश्चिम रोयल्सको प्लेइङ-११
१. दीपेन्द्रसिंह ऐरी (कप्तान)
२. विनोद भण्डारी
३. आरिफ शेख
४. इशान पाण्डे
५. हेमन्त धामी
६. अभिनास बोहरा
७. सइफ जइब
८. स्कट कुगेइलिन
९. सरफन रदरफोर्ड
१०. अनिल खरेल
पोखरा एभेन्जर्सको प्लेइङ-११
१. कुशल भुर्तेल (कप्तान)
२. विपिन खत्री
३. किरण ठगुन्ना
४. दिनेश खरेल
५. अर्जुन घर्तिमगर
६. प्रतिश पोखरेल
७. आकाश चन्द
८. शकिब अल हसन
९. मेहदी हसन
१०. धनन्जय लक्षन
११. सामराविक्रमा
