निश्चल बस्नेत निर्देशित फिल्म 'दिमाग खराब' युट्युबमा सार्वजनिक भएको छ।
शुक्रबार ओएसआर मुभिज युट्युबमार्फत यो फिल्म सार्वजनिक गरिएको हो।
सोसल ड्रामा जनरामा बनेको यो फिल्म सिनेमा हलमा दुई वर्षअघि रिलिज भएको थियो। बक्स अफिसमा १० करोड रूपैयाँभन्दा माथिको व्यापार गरेको फिल्मले समीक्षा पनि सकारात्मक पाएको थियो।
फिल्ममा खगेन्द्र लामिछाने, स्वस्तिमा खड्का, दयाहाङ राई, निश्चल बस्नेत, अर्पण थापा, विजय बराल, सुमन कार्कीलगायत कलाकारहरूको अभिनय छ।
'दिमाग खराब' ले व्यवस्थागत विकृति र भ्रष्टाचारका कारण मानसिक दबाबमा परेका एक आम नागरिकको कथालाई प्रस्तुत गर्छ। समाज र राजनीतिबाट पीडित पात्रले आफ्ना अधिकारका लागि उठाउने आवाज र त्यसबाट पैदा हुने परिस्थितिलाई फिल्मले केन्द्रमा राखेको छ।
रौनक विक्रम कंडेल फिल्मको निर्माता हुन्।
-1746009348.jpg)
