भारतीय अभिनेता कमल हसन फेरि नयाँ फिल्ममा देखिँदैछन्। उनी नयाँ फिल्म ‘ठग लाइफ’ मा देखिँदैछन्। यो फिल्मको टिजर सोमबार सार्वजनिक भएको हो।
बलिउड फिल्मकर्मीले पुरानो फिल्मको सिक्वेल बनाएर धेरै आम्दानी गर्दै आएको देखिन्छ। कमलको पुराना फिल्महरू निकै चर्चामा छन्। कमलको फिल्म ‘इन्डियन’ को सिक्वेल बनेको थियो। सिक्वेलमा बनेको फिल्म ‘इन्डियन २’ पछि उनी दर्शकको मन जित्न सफल भएका थिए।
उनले ओस्कार रेकर्ड समेत तोडिसकेका छन्। उनको ७ वटा फिल्म ओस्कारमा प्रवेश गरिसकेको छ।
उनले सन् १९५९ बाट अभिनय यात्रा सुरू गरेका थिए। उनी सानै उमेरदेखि अभिनय क्षेत्रमा प्रवेश गरेका थिए। ६ दशकभन्दा धेरै फिल्ममा काम गरिसकेका उनले राष्ट्रिय, अन्तर्राष्ट्रिय दुवै अवार्ड पाइसकेका छन्। आज उनको जन्मदिन पनि हो। उनी ६९ वर्ष उमेरका भएका छन्।
मनि रत्नमले यो फिल्म निर्देशन गरेका हुन्।
-1746009348.jpg)
