सलमान खानको फिल्म 'टाइगर ३' को कमाइ घट्दोक्रममा छ। बक्स अफिसमा फिल्मको कमाइ दिन प्रतिदिन घट्दै गइरहेको छ।
वर्ल्ड कपको कारण फिल्मको कमाइ कम भएको फिल्मकर्मीले बताएका थिए। वर्ल्ड कप सकिएपनि फिल्मको कमाइमा सुधार आएको छैन। यो फिल्मको लागि सलमानको फ्यानहरू निकै उत्साहित थिए।
नोभेम्बर १२ देखि प्रदर्शन भएको फिल्मले सुरूवाती चरणमा धमाका मच्चाएको थियो। ११ औं दिनमा फिल्मले ५ करोड ७५ लाख भारू कमाएको छ।
३०० करोड लगानीमा बनेको फिल्मले ११ दिनमा २४९ करोड ७० लाख भारू कमाएको छ।
मनिष शर्माले निर्देशन गरेको यो फिल्ममा सलमानसँगै अभिनेत्री कट्रिना कैफ र अभिनेता इमरान हाशमीको अभिनय छ।
