बलिउड अभिनेत्री राधिका अप्टे र दक्षिण भारतीय अभिनेत्री कीर्ति सुरेशबीच प्रतिस्पर्धा हुने भएको छ।
यशराज फिल्म्सले नयाँ प्रोजेक्ट ल्याउँदैछ। यो एक एक्सन र बदलाको कथामा निर्माण हुने वेब सिरिज हो। जसको नाम 'अक्का' राखिएको छ।
कीर्ति सुरेशले फिल्ममा जोडदार अभिनयको कारण दर्शकको मन जितेकी छन्। त्यस्तै राधिकाले वेब सिरिजमा शानदार पहिचान बनाएकी छन्। उनीहरू दुवै भारतका चर्चित अभिनेत्री हुन्।
यशराज फिल्म्सले यी दुई अभिनेत्रीलाई एकसाथ पर्दामा देखाउँदैछ। कीर्ति र राधिका भारतको प्रतिभाशाली अभिनेत्रीको रूपमा चिनिन्छन्। उनीहरूले अभिनयबाट नयाँ अवसरसँगै आफ्नो हिम्मत पनि बढाइरहेका छन्। यसकारण कीर्ति र राधिकालाई वेब सिरिजमा लिइएको भारतीय सञ्चारमाध्यममा उल्लेख छ।
निर्देशक नवोदितले लेखेको सिरिजलाई धर्मराज शेट्टीले निर्देशन गरेका छन्। यस वेब सिरिजमार्फत कीर्ति ओटिटीमा डेब्यू गर्दैछिन्।
राधिकाले भने 'सिक्रेड गेम्स' र 'ओके कम्प्यूटर' वेब सिरिजमा काम गरिसकेकी छन्।
