मंगलबार दोहोरो अंकले बढेको नेप्से परिसूचक बुधबार घटेको छ। नेप्सेको वृद्धि दोस्रो दिन पनि टिक्न नसकेको हो।
मंगलबार १०.६६ अंकले बढेर १८४४.३६ विन्दुमा पुगेको नेप्से बुधबार २.४३ अंकले ओरालो लागेको हो।
कर्जाको ब्याजदर घट्ने खबरसँगै बढेको नेप्सेले वृद्धि कायम गर्न सकेन। हालको नजिकको न्युन विन्दु १८३३मा टेवा पाएर बढेको नेप्से दास्रो दिन घटेसँगै यसको प्रवृत्ति अनिश्चत बनेको छ।
मंगलबार ७७ करोड ४७ लाख ६० हजार ६४७ रुपैयाँको कारोबार भएकोमा यसदिन कारोबार ५८ करोडमा सीमित भएको छ। यस दिन २६६ वटा धितोपत्रको १९ लाख ४२ हजार ६२६ कित्ता सेयर किनबेच भएको हो।
हिमाल दोलखा हाइड्रोपावरको सेयर मूल्य सर्वाधिक ६.४७ प्रतिशतले बढेको छ। यस दिन उक्त कम्पनीको सेयर मूल्य १६३.६० रुपैयाँ पुगेको छ।
यस्तै, बाराही हाइड्रोपावरको सेयरमूल्य ५.८७ प्रतिशतले बढेर प्रतिकित्ता मूल्य ४७१ रुपैयाँ पुगेको छ।
यसैगरी, एनसीसी डिवेञ्चर २०८६ को मूल्य ७.२४ प्रतिशतले घटेर प्रति इकाई मूल्य ८ सय ९० रुपैयाँ छ। मन्दाकिनी हाइड्रोपावरको सेयरमूल्य ५.४७ प्रतिशतले घटेर प्रति कित्ता मूल्य ३२१ रुपैयाँ ३० पैसा पुगेको छ।
हिमाल दोलखा हाइड्रोपावरको सर्वाधिक सेयर कारोबार भएको छ। कम्पनीको प्रतिकित्ता १६३ रुपैयाँमा ३ करोड ९५ लाख रूपैयाँ बराबरको सेयर कारोबार भएको हो।
-copy-1745411477.jpg)
-1746009348.jpg)
