भोटेकोशी बाढीका कारण विद्युत अवरुद्ध बनेको रसुवाको कालिका गाउँपालिका र नौकुण्ड गाउँपालिकाका अधिकांश क्षेत्रमा विद्युत सेवा पुन: सुरू भएको नेपाल विद्युत प्राधिकरणले जनाएको छ।
त्यस्तै, गोसाइँकुण्ड गाउँपालिकाको धुन्चे, भार्खु र गोसाइँकुण्ड क्षेत्रमा पनि बत्ती बलेको जनाएको हो।
विद्युत प्राधिकरणका प्राविधिकहरूको द्रुत एवं सक्रिय पहलले स्थानीय बासिन्दाहरू पुन: उज्यालोमा फर्किएको प्राधिकरणको भनाइ छ।
प्रतिकूल मौसम र भौगोलिक कठिनाइका बाबजुद पनि सक्रिय काम गरेर बिजुली पुऱ्याइएको प्राधिकरणको भनाइ छ।
