काठमाडौंको मनोहरा क्षेत्रमा सुकुम्बासी बस्ती हटाउन खोज्दा विरोध भएको छ।
सुकुम्बासीहरू भेला भएर नाराबाजी गरेपछि केहीबेर ढुंगामुढा भएको सशस्त्र प्रहरी बलका सहप्रवक्ता शैलेन्द्र थापाले जानकारी दिए। यद्यपि कुनै पनि मानवीय क्षति भने नभएको उनको भनाइ छ।
स्थानीय सुकुम्बासीहरू एकत्रित भई विरोध प्रदर्शन गर्दै नाराबाजी गर्न थालेपछि स्थिति केही समय तनावपूर्ण बनेको थियो।
बेलुका भएपछि सुरक्षाकर्मीहरू भने त्यहाँबाट पछि हटेका छन्। अब भोलि मात्र त्यहाँका संरचनामा डोजर चलाइने काठमाडौं महानगरले जनाएको छ।
यसअघि काठमाडौंका थापाथली र सिनामंगल क्षेत्रमा रहेका सुकुम्बासी बस्ती हटाउने क्रममा भने स्थिति सामान्य रहेको थियो। ती स्थानमा बस्ती खाली गराउने काम शान्तिपूर्ण रूपमा अघि बढाइएको जनाइएको छ।
-1746513231.jpg)
-1746009348.jpg)
