बाढीले बिपी राजमार्ग अवरूद्ध छ।
बाढीले सडक बिगारेपछि आज बिहानदेखि मर्मत कार्य सुरू गरिएको छ। आज थप पानी नपरे दिउँसो १:३० बजेबाट सडक खुल्नेछ।
मंगलटारमा अलपत्र रहेका यात्रुहरूलाई वैकल्पिक सडकबाट गन्तव्यमा पठाइएको छ।
महिला, बालबालिका र विदेश जाने टिकट भएका यात्रुलाई भकुन्डेबाट तेमालतर्फको बाटो हुँदै पठाइएको काभ्रेका प्रमुख जिल्ला अधिकारी गोपालकुमार अधिकारीले जानकारी दिए।
१६ वटा गाडीबाट यात्रुहरूको उद्धार गरिएको उनले बताए।
यात्रुहरूको उद्धारमा जिल्ला प्रहरी कार्यालयबाट प्रहरी नायब उपरीक्षकको नेतृत्वमा टोली खटिएको छ।
जिल्ला ट्राफिक प्रहरी प्रमुख पनि सवारी व्यवस्थापनमा भकुण्डेमा रहेको खटिएका छन्।
अलपत्र यात्रुलाई अत्यावश्यक सेवा उपलब्ध गराउन गाउँपालिका अध्यक्षहरूसँग समन्वय गरिएको उनले बताए।
पूर्वबाट काठमाडौँ आउन चाहने सवारी साधनहरूलाई बिपी राजमार्ग भएर नजान अन्य वैकल्पिक मार्ग प्रयोग गर्न आवश्यक सूचनाका लागि सिन्धुलीका प्रमुख जिल्ला अधिकारीलाई खबर गरिएको उनले बताए।
-1727785693.jpg)
-1746513231.jpg)
-1746009348.jpg)
