'बैंक तथा वित्तीय संस्थाको ऋण नतिर्नू' भनेर भड्काउँदै हिँडेका देवीप्रसाद संग्रौलालाई प्रहरीले पक्राउ गरेको छ।
दुर्गा प्रसाईं संयोजक रहेको नागरिक बचाउ महाअभियानका अर्थ विभाग प्रमुख बताउने उनले विभिन्न जिल्लाहरूमा भ्रमण गरी मानिसमा भ्रम सिर्जना गरेको आरोप उनीमाथि छ।
काठमाडौं उपत्यका अपराध अनुसन्धान कार्यालयको टोलीले मंगलबार त्रिभुवन अन्तर्राष्ट्रिय विमानस्थलबाट पक्राउ गरेको हो।
एसपी रामेश्वर कार्कीका अनुसार उनले मानिस भेला पारेर बैंक तथा वित्तीय संस्थाले रकम माग गरेमा, कुनै कर्मचारी घर आए लखेट्नु, भौतिक आक्रमण गर्नु, मोसो दल्नु लगायतका भड्किलो अभिव्यक्ति दिँदै आएका थिए।
यसरी अभिव्यक्ति दिएको आरोपमा प्रहरीले उनलाई पक्राउ गरेको हो।
-1746009348.jpg)
