सुदूरपश्चिम विश्वविद्यालयले पनि अध्ययन बिदाको दुरूपयोग सम्बन्धि छानबिन गर्न समिति गठन गरेको छ।
विश्वविद्यालयको कार्यकारी परिषदले अध्ययन बिदा दुरूपयोग गरेको घटनामा छानबिन गर्नका लागि प्रा. डा. राजेन्द्रप्रसाद भट्टको संयोजकत्वमा अध्ययन समिति गठन गरेको हो।
यसअघि त्रिभुवन विश्वविद्यालयले पनि अध्ययन बिदामा गएर नफर्किएकाहरूबाट दुरूपयोग भएका रकम फिर्ता लिन थालेको छ।
यसरी नै सुदूरपश्चिम विश्वविद्यालयले पनि यसबारे अध्ययन गर्न समिति गठन गरेको हो।
त्यसैगरी असार २४ गते कार्यकारी परिषदले विश्वविद्यालय र यसका आंगिक क्याम्पसहरूको नाममा रहेको चलन भोगमा रहेका जग्गाहरूबारे पनि छानबिन गर्न समिति गठन गरेको छ।
विश्वविद्यालयको जग्गाको अध्ययन अनुसन्धान छानबिन गर्न प्रा. यज्ञराज पाठकको संयोजकत्वमा समिति गठन भएको हो।
विश्वविद्यालयले आंगिक क्याम्पसहरूले प्रदान गर्ने १० प्रतिशत छात्रवृत्तिलाई पारदर्शी बनाएर व्यवस्थापन गर्न व्यवस्थापन संकायका डिन केशवराज भट्टको संयोजक्तवमा कार्यविधि निर्माण समिति गठन गरेको छ।
सुदूरपश्चिम विश्वविद्यालयका नवनियुक्त उपकुलपति प्रा.डा. किसनदत्त भट्ट को पदबहालीपछि भएका महत्वपुर्ण निर्णयहरू:
