प्यूठानमा रोकिराखेको ट्र्याक्टर ब्याक हुँदा एक जना बालकको मृत्यु भएको छ भने अर्का बालक घाइते छन्।
नौबहिनी गाउँपालिका– ५ दामृमा रोकिराखेको राखेको भे २ त २०१९ नम्बरको ट्र्याक्टरमा खेल्ने क्रममा ट्र्याक्टर ब्याक हुन गई अन्दाजी ४०० मिटर तल खसेको थियो।
त्यो दुर्घटनामा परी स्थानीय गंगा घर्तीका ७ वर्षीय छोरा कुन्डन घर्तीको मृत्यु भएको छ।
बेलुका साढे ६ बजेतिर गम्भीर अवस्थाका कुन्डनलाई जिल्ला अस्पताल बिजुवार पुर्याउना साथ चिकित्सकले मृत घोषणा गरेका थिए।
सोही दुर्घटनामा परी स्थानीय रिमबहादुर बुढाका ७ वर्षीय छोरा पारस बुढा घाइते रहेको जिल्लाका प्रहरी निरीक्षक कैलाश पराजुलीले बताए।
प्रहरीका अनुसार दिउँसो पौने ३ बजेतिर यो दुर्घटना भएको थियो। ट्र्याक्टरका साहु समेत रहेका चालक नौबहिनी –५ का २१ वर्षीय विकास परियार फरार छन्।
उनको खोजी भइरहेको छ।
घटनाबारे थप अनुसन्धान भइरहेको प्रहरीले जनाएको छ ।
