आइपिएल टिम कोलकता नाइट राइडर्सले अमेरिकाका तीव्र गतिका बलर अली खानलाई भित्र्याउने भएको छ।
इंग्लिस बलर ह्यारी गन्रीले चोटका कारण कोलकताबाट नाम फिर्ता लिएसँगै अली खानलाई भित्र्याउन लागिएको हो। काँधको चोट बोकेपछि उनले शल्यक्रिया गर्दैछन्।
अली खानलाई आइपिएलले अनुमति दिएपछि उनी आइपिएलमा छनोट हुने पहिलो अमेरिकी क्रिकेटर बन्नेछन्।
यसअघि उनले सिजनको सिपएलमा ट्रिन्बागो नाइट राइडर्सबाट खेलेका थिए। ट्रिन्बागो नाइट राइडर्स पनि कोलकाता नाइट राइडर्सकै प्यारेन्ट कम्पनी हो। ट्रिन्बागोले सिजनमा लगातार १२ खेल जितेर उपाधि जितेको थियो।
यता अली खानले ट्रिन्बागोका सहकर्मी ड्वायन ब्राभोसँग प्लेनमा चढ्दै 'नेक्स स्टप दुबई' भनेर लेखेका छन्।
खान सिपिएलमा प्रभावशाली बलिङ गरेका थिए। उनले अन्तिम तीन खेलमा उत्कृष्ट प्रदर्शन गरेका थिए। सिपिएलमा उनले ८ विकेट लिने क्रममा ७.४३ को इकोनोमी रेटमा बलिङ गरेका थिए।
खानले १४० किलोमिटर प्रतिघन्टाको गतिमा बलिङ गर्न सक्छन्। उनी राम्रो योर्कर फ्याँक्न सक्ने बलरमा पनि गनिन्छन्।
