टी-२० विश्वकप २०२६ विशेष
आइसिसी टी-२० विश्वकप २०२६ मा नेपाली टोलीको मध्यक्रममा अलराउन्डरको उत्तम विकल्प हुन् बसिर अहमद।
अझ उनको विशेषता भनेको बायाँ हाते ब्याटिङ र स्पिन बलिङ हो। नेपाली टोलीमा बायाँ हाते खेलाडीको विकल्प कम भएको अवस्थामा उनी टोलीका लागि ‘ट्रम्प कार्ड’ बन्न सक्छन्।
कसिलो बलिङ गर्ने र ब्याटिङमा परिस्थितिअनुसार उनी चल्न सक्छन्। नेपाल प्रिमियर लिगको दोस्रो सिजनमा उनले कर्णाली याक्सविरूद्धको खेलमा छक्का हानेर विराटनगर किंग्सलाई जिताएको धैरैले बिर्सिएका छैनन्।
थाहा पाउनुहोस् उनै बसिरको खेल जीवनबारे :-
पूरा नाम: बसिर अहमद
जन्म: सेप्टेम्बर ११, २००३, कपिलवस्तु
उमेर: २२ वर्ष
ब्याटिङ शैली: बायाँ हाते ब्याटर
बलिङ शैली: बायाँ हाते स्पिन
भूमिका: ब्याटिङ अलराउन्डर
टी-२० आई डेब्यू: केन्या विरुद्ध नेपाल, नैरोबी — अगस्ट २६, २०२२
क्रिकेटक्रेजी बसिर अहमद क्रिकेट सिक्नकै लागि घरभन्दा २० किलोमिटर टाढाको लुम्बिनी सांस्कृतिक नगरपालिका-३ लुम्बिनी नवयुवा क्लबमा जाने गर्थे। उनको क्रिकेट प्रेममा आमाबुबाको पूरा साथ थियो। क्रिकेट सिक्ने क्रममा भैरहवाका प्रशिक्षक बसन्त शाही ठकुरीले उनको प्रतिभा देखे। त्यसपछि उनले एक्सपोजर पाउन थाले।
यू-१९ राष्ट्रिय टोलीबाट खेलेपछि चर्चा कमाएका बसिरले त्यसपछि नेपालको यू-१९ टोली हुँदै राष्ट्रिय टोलीबाट समेत खेले। तर उनले राष्ट्रिय टोलीमा नियमित स्थान पाउन निकै प्रतिस्पर्धा गर्नु परेको छ।
उनले सन् २०२२ मा केन्याविरूद्ध खेल्दै टी-२० मा डेब्यू गरे। तर उनी निरन्तर भने टोलीमा रहन सकेनन्।
दोस्रो सिजनको नेपाल प्रिमियर लिगमा गरेको उत्कृष्ट प्रदर्शनपछि बसिर नेपालको टी-२० विश्वकप टोलीमा पुनरागमन गर्न सफल भए।
सुरूका दिनहरूमा उनले टेनिस बल क्रिकेट खेल्थे। उनलाई क्रिकेटमा अगाडि बढाउने क्रममा प्रशिक्षक बसन्त शाही ठकुरीले आफ्नो क्लब तिरुपती क्रिकेट क्लबमा आबद्ध गराएका थिए। यसका साथै उनलाई अहमद, जुगेश बर्मा लगायतले खेल सामग्री र अन्य सहयोग गरेर साथ दिएका थिए। टेनिस क्रिकेटबाट आएका हुनाले उनलाई ठूला सटहरू प्रहार गर्न (हिटिङमा) धेरै मद्दत पुगेको छ।
टेनिस क्रिकेट खेल्दा बासिर मिडियम पेस बलिङ गर्थे, तर डिउज बलले खेल्न थालेपछि उनले स्पिन बलिङ गर्न सुरु गरे। प्रशिक्षक पुबुदु दासानायकेको पालामा उनी बलिङ अलराउन्डरको रूपमा चिनिए पनि उनी भित्रैदेखि ब्याटर बन्न चाहन्थे। सुरूमा उनले ब्याटिङमा धेरै अवसर नपाउँदा ८, ९ वा १० नम्बरमा ब्याटिङ गर्थे, तर निरन्तरको मेहनतले उनले आफूलाई एक भरपर्दो ब्याटरको रूपमा स्थापित गरे।
उनले क्यानडा विरूद्धको ओडिआई सिरिजमा एक खेलमा ५० रनमा नटआउट रहँदै म्यान अफ द म्याचको अवार्ड जितेका थिए। उनले आयरल्याण्ड ए र भारतको आसामविरुद्ध पनि खेले।
नेपालको टोलीबाट युके जाँदा उनले दुईवटा खेल खेल्ने अवसर पाएका थिए, तर त्यहाँको प्रदर्शनबाट उनी सन्तुष्ट हुन सकेनन्। नेदरल्याण्ड्स विरूद्धको खेलमा पिचको बीचबाट दौडिँदा नेपालले १० रनको पेनाल्टी समेत भोगेको थियो।
दोस्रो सिजनको एनपिएलमा विराटनगर किंग्सबाट खेल्दै उनले कर्णाली याक्सविरूद्ध छक्का प्रहार गरेर टिमलाई जिताए, जुन उनको करियरको महत्वपूर्ण मोड हो।
बासिरले आफ्नो हिटिङ क्षमता सुधार्न दैनिक ओपन नेटमा एक देखि डेढ घण्टा अभ्यास गर्ने र ३० देखि ४० वटा छक्का प्रहार गर्ने गरेका छन्। उनले अहिले आफ्नो फिटनेस र डाइटमा पनि विशेष ध्यान दिन थालेका छन्, बिहान जिम धाउँछन्। नेपालको लागि ठूला खेलहरू जिताउने उनको मुख्य लक्ष्य छ।
आइसिसी टी-२० विश्वकप २०२६ - टिम नेपाल :-
नेपाली टोलीका आक्रामक ओपनर कुशल
विकेटकिपिङ गर्ने नेपाली टिमका भरपर्दा ओपनर आसिफ
कान्छा तर अनुभवी कप्तान रोहित
मध्यक्रमका जोडदार ब्याटर सन्दीप जोरा
तीन देशको पूर्वकप्तानका टोलीविरूद्ध अर्धशतक हानेर चर्चामा आएका विस्फोटक लोकेश
चितुवाभन्दा फुर्तिला 'टाइगर' दीपेन्द्र
विपक्षीका लागि 'टेन्सन', अलराउन्डर गुल्सन
मिडल अर्डरको आधारस्तम्भ आरिफ
-1746009348.jpg)
