नेपाल क्रिकेट संघ (क्यान) ले जय ट्रफी मेन्स इलिट कप २०२६ को खेल तालिका सार्वजनिक गरेको छ।
क्यानले फागुन ८ देखि १९ सम्म कीर्तिपुर र मुलपानी क्रिकेट मैदानमा जय ट्रफी आयोजना गर्न लागेको हो।
यो समय टी-२० विश्वकपका खेल भने सकिएका हुँदैनन्। समूह ‘सी’ मा रहेको नेपालको समूहको खेल फागुन ५ गतेसम्म छ। त्यसपछि सुपर-८ का खेल हुनेछन्।
टी-२० विश्वकपको सुपर ८ का खेल फागुन १८ गते सकिनेछन् भने फाइनल फागुन २४ मा हुने तय छ।
नेपाली टोली सुपर-८ मा पुगेमा राष्ट्रिय टोलीका खेलाडीले जय ट्रफी गुमाउने पक्का छ।
दुईदिवसीय जय ट्रफीमा गत वर्ष सम्पन्न भएको प्रधानमन्त्री कप एकदिवसीय राष्ट्रिय क्रिकेट प्रतियोगिताको सेमिफाइनल पुग्न सफल कुल ४ वटा टिमले खेल्नेछन्।
गत वर्ष नेपाल पुलिस क्लब, त्रिभुवन आर्मी क्लब, नेपाल ए पी एफ क्लब र बागमती प्रदेश क्रिकेट टिमको सेमिफाइनलमा पुगेका थिए।
-1746009348.jpg)
