कतारमा जारी एसिया कप राइजिङ स्टार्स मेन्स क्रिकेट प्रतियोगितामा नेपालले भारत ‘ए’ विरुद्ध बलिङ गरिरहेको छ। दोहास्थित वेस्ट इन्ड पार्क इन्टरनेसनल क्रिकेट स्टेडियममा जारी खेलमा नेपालले टस जितेर पहिले फिल्डिङ गर्ने निर्णय गरेको हो।
भारत ‘ए’ ले ब्याटिङ सुरु गर्दा ओपनरका रूपमा युवा ब्याटर वैभव सूर्यवंशी र अभिषेक शर्मा क्रिजमा छन्। दुवै आक्रामक ब्याटिङका लागि परिचित खेलाडी हुन्।
सूर्यवंशी र अभिषेक सम्मिलित भारतको ओपनिङ जोडीलाई नेपाली बलरहरूले रोक्ने चुनौती पाएका छन्। भारत ‘ए’ को कप्तानी तिलक वर्माले गरिरहेका छन्।
नेपालका कप्तान सन्दीप लामिछानेले टस जितेपछि भारतलाई पहिले ब्याटिङको निम्तो दिएका हुन्। नेपालले भारत ‘ए’ विरुद्ध अनुभवी र युवा खेलाडी सम्मिलित प्लेइङ ११ मैदानमा उतारेको छ।
नेपालको प्लेइङ ११ मा कुशल भुर्तेल, अर्जुन कुमाल, बसिर अहमद, लोकेश बम, दीपक डुम्रे, नन्दन यादव, पवन सर्राफ, राशिद खान, सन्दीप लामिछाने, ललित राजवंशी र प्रतिश जिसी छन्।
सोमपाल कामी चोटग्रस्त भएपछि उनको स्थानमा टोलीमा समावेश भएका प्रतिश जिसीले प्लेइङ ११ मा अवसर पाएका छन्।
प्रतियोगितामा नेपालले भारत ‘ए’ सँगै पाकिस्तान शाहिन्स र यूएईसँग समूह चरणमा प्रतिस्पर्धा गर्नेछ। आठ टोली सहभागी प्रतियोगितामा दुई समूहका शीर्ष दुई टोली सेमिफाइनलमा पुग्नेछन्।
नेपालको प्लेइङ ११
1. कुशल भुर्तेल
2. अर्जुन कुमाल
3. बसिर अहमद
4. लोकेश बम
5. दीपक डुम्रे (विकेटकिपर)
6. नन्दन यादव
7. पवन सर्राफ
8. राशिद खान
9. सन्दीप लामिछाने (कप्तान)
10. ललित राजवंशी
11. प्रतिश जिसी
भारत ‘ए’ को प्लेइङ ११
1. वैभव सूर्यवंशी
2. अभिषेक शर्मा
3. आयुष बडोनी
4. तिलक वर्मा (कप्तान)
5. रिंकु सिंह
6. कुमार कुशाग्र (विकेटकिपर)
7. सूर्यांश शेड्गे
8. शाहबाज अहमद
9. विप्रज निगम
10. हर्षित राणा
11. प्रिन्स यादव