बार्सिलोना स्पेनिस कोपा डेल रे फुटबल प्रतियोगिताको फाइनलमा पुगेको छ।
सेमिफाइनलको दोस्रो लेगमा सेभियालाई ३-० गोलले पराजित गर्दै बार्सिलोना उपाधि नजिक पुगेको हो।
यसअघि पहिलो लेगमा २-० गोलले पराजित भएको बार्सिलोनामा समग्रमा ३-२ ले अघि रहँदै फाइनलमा पुगेको हो।
घरेलु मैदानमा भएको दोस्रो लेगमा १२ मिनेटमा डेम्बेलेको गोलबाट बार्सिलोनाले अग्रता लियो।
दोस्रो हाफको इन्जुरी टाइमको चौथो मिनेटमा जेरार्ड पिकेले दोस्रो गोल गर्दा समग्रमा खेल २-२ को अवस्थामा पुगेको थियो।
३० मिनेट थप गरिएको समयको पाँचौ मिनेटमा ब्रेथवेटले बार्सिलोनाका लागि गोल गरे।
खेलमा सेभियाका रोगेजले दोस्रो हाफको इन्जुरी टाइममा दोस्रो पहेँलो कार्ड पाउँदै मैदान छाड्न बाध्य भएका थिए।
अब उपाधिका लागि बार्सिलोनाले एथ्लेटिक्स बिल्बाओ वा लेभान्तेसँग प्रतिस्पर्धा गर्नेछ।
