अभिनेत्री निशा अधिकारी फिल्मको छायांकन सेटमा फर्किएकी छन्।
प्रतिनिधिसभा निर्वाचनमा काठमाडौं क्षेत्र नं. ५ बाट उम्मेदवार बनेकी निशा चुनावी परिणाम सार्वजनिक भएसँगै फिल्ममा फर्किएकी हुन्। उनले शनिबारबाट फिल्म 'कस्तुरी' को छायांकन थालेकी हुन्।
'गतिशील लोकतान्त्रिक पार्टी' बाट चुनाव लडेकी नीशाले अपेक्षित नतिजा भने हासिल गर्न सकिनन्। चुनावी नतिजा आएको भोलिपल्टै उनी फिल्मको छायांकन सेटमा पुगेकी हुन्।
छायांकन सेटमा फर्किएपछि निशाले आफूलाई चुनावसम्म पर्खेर बसेको फिल्म टिमप्रति सामाजिक सञ्जालमार्फत धन्यवाद व्यक्त गरेकी छन्।
फिल्म 'कस्तुरी' मा निशाले आफ्नो पहिलो फिल्म 'मिशन पैसा' का 'को-स्टार' निखिल उप्रेतीसँग स्क्रिन सेयर गर्दैछिन्।
'मेरो पहिलो फिल्मको को-स्टार भएकाले होला, निखिल उप्रेती दाइसँगका कुरा जहिले पनि मिठा लाग्छन्। पहिलो फिल्मको पहिलो को–स्टार, अहिलेसम्म पनि सँगै काम गरिरहन पाएकोमा एकदमै खुसी लाग्छ,' नीशाले लेखेकी छन्।
-1746009348.jpg)
