फागुन महिनामा सञ्चालनमा रहेका २० वटा वाणिज्य बैंकहरूबाट २२ अर्ब ७४ करोड रूपैयाँ मात्रै कर्जा लगानी भएको छ।
फागुन एक महिनामा करिब पाँच वाणिज्य बैंकको कर्जा लगानी घटेको छ भने चार वटाको कर्जा लगानी एक अर्ब रूपैयाँ पनि नाघ्न सकेन।
ग्लोबल आइएमई, कुमारी बैंक, एनआइसी एसिया बैंक, सिद्धार्थ बैंक र स्ट्याण्डर्ड चार्टर्ड बैंकको कर्जा लगानी घटेको हो।
माघको तुलनामा ग्लोबल आइएमई बैंकको कर्जा एक अर्ब ५१ करोड रूपैयाँले घटेर चार खर्ब २९ अर्बमा सीमित भएको छ।
कुमारी बैंकको ४८ करोडले कर्जा लगानी रकम घटेर तीन खर्ब एक अर्बमा सीमित भएको छ।
एनआइसी एसियाको दुई अर्ब ५५ करोड रूपैयाँले कर्जा लगानी घटेर दुई अर्ब ४९ करोड रूपैयाँमा सीमित भएको छ।
सिद्धार्थ बैंकको ९३ करोडले कर्जा लगानी घटेर दुई खर्ब १५ अर्ब रूपैयाँ र स्ट्याण्डर्ड चार्टर्ड बैंकको चार करोडले घटेर ८५ अर्ब रूपैयाँमा कर्जा सीमित भएको छ।
हिमालयन, नेपाल इन्भेष्टमेन्ट बैंक, नेपाल एसबिआई बैंक र प्रभु बैंकको एक महिनामा कर्जा लगानी १९ करोडदेखि ३८ करोड रूपैयाँसम्मले बढेको छ।
एक महिनामा सबैभन्दा धेरै कर्जा बढाउनेमा राष्ट्रिय वाणिज्य बैंक छ। बैंकको कर्जा लगानी पाँच अर्ब ६७ करोड रूपैयाँ पुगेको छ।
साउनदेखि फागुनसम्ममा भने वाणिज्य बैंकहरूको कर्जा लगानी दुई खर्ब ७९ अर्ब रूपैयाँले बढेर ४८ खर्ब ५० अर्ब ५९ करोड रूपैयाँ पुगेको छ।
-1746009348.jpg)
