वाणिज्य बैंकहरूले जेठ महिनाको लागि नयाँ ब्याजदर प्रकाशित गरेका छन्।
सञ्चालनमा रहेका २० वाणिज्य बैंकहरूले जेठ महिनाको लागि व्यक्तिगत मुद्दती निक्षेपमा औसत ५.९५ ब्याजदर प्रस्ताव गरेका छन्।
यसअघि वैशाखमा औसत ५.९८ प्रतिशत थियो।
बैंकहरूको ब्याजदर औसतमा घटे पनि तीन वटा वाणिज्य बैंकले ब्याजदर सामान्य बढाएका छन्।
सानिमा बैंक, नेपाल बैंक र एभरेष्ट बैंकले ब्याजदर बढाएका हुन्। यी बैंकले ०.०३ प्रतिशतदेखि ०.३८ प्रतिशत विन्दुसम्म ब्याजदर बढाएका छन्।
त्यस्तै, कुमारी, सिद्धार्थ र नेपाल इन्भेष्टमेन्ट बैंकले भने ब्याजदर ०.०१ देखि १ प्रतिशत विन्दुसम्म घटाएका छन्।
अन्यको ब्याजदर स्थिर छ। अहिले सबैभन्दा धेरै ब्याजदर एभरेष्ट बैंकमा पाइन्छ।
बैंकले अधिकतम ६.६४ प्रतिशतसम्म ब्याजदर दिने भएको छ। त्यस्तै, सबैभन्दा कम ब्याजदर नेपाल बैंकले दिइरहेको छ।
बैंकले अधिकतम ५.४५ प्रतिशत ब्याजदर दिने भएको छ।
बैंक तथा वित्तीय संस्थामा अझै पनि ६ खर्बभन्दा बढी लगानी योग्य रकम भएपछि निक्षेपको ब्याजदर बढ्न सकेको छैन।
बैंकहरूले प्रकाशित गरेको व्यक्तिगत निक्षेपको अधिकतम ब्याजदर
| बैंकहरूले प्रकाशित गरेको व्यक्तिगत निक्षेपको अधिकतम ब्याजदर |
| बैंकको नाम | जेठको लागि ब्याजदर प्रतिशत | वैशाखको लागि ब्याजदर प्रतिशत | फरक |
| सानिमा बैंक | ६.३३ | ५.९५ | ०.३८ |
| नेपाल बैंक | ५.४५ | ५.१५ | ०.३ |
| एभरेष्ट बैंक | ६.६४ | ६.६१ | ०.०३ |
| नेपाल एसबिआई | ५.५ | ५.५ | ०. |
| हिमालयन बैंक | ५.५ | ५.५ | ०. |
| कृषि विकास बैंक | ५.५१ | ५.५१ | ०. |
| सिटिजन्स बैंक | ५.६५ | ५.६५ | ०. |
| लक्ष्मी सनराइज बैंक | ५.७५ | ५.७५ | ०. |
| नबिल बैंक | ५.७५ | ५.७५ | ०. |
| ग्लोबल आइएमई बैंक | ६ | ६ | ०. |
| माछापुच्छ्रे बैंक | ६ | ६ | ०. |
| राष्ट्रिय वाणिज्य बैंक | ६ | ६ | ०. |
| प्रभु बैंक | ६.१ | ६.१ | ०. |
| प्राइम कमर्सियल बैंक | ६.२५ | ६.२५ | ०. |
| स्टान्डर्ड चार्टर्ड बैंक | ६.२५ | ६.२५ | ०. |
| एनएमबी बैंक | ६.६ | ६.६ | ०. |
| एनआइसी एसिया बैंक | ६.६ | ६.६ | ०. |
| कुमारी बैंक | ५.९१ | ५.९२ | -०.०१ |
| सिद्धार्थ बैंक | ५.७५ | ६ | -०.२५ |
| नेपाल इन्भेस्टमेन्ट मेगा | ५.५ | ६.५ | -१. |
| औसत | ५.९५ | ५.९८ | -०.०३ |
