युवा तथा साना व्यवसायी स्वरोजगार कोषमार्फत लगानी गरिएको कर्जामध्ये ४३२ सहकारी संस्थाबाट ६७ करोड १९ लाख ६४ हजार रूपैयाँ असुल हुन बाँकी रहेको देखिएको छ।
कोषको विवरणअनुसार २०८२ सार मसान्तसम्म २ अर्ब ३३ करोड ९४ लाख ५६ हजार रूपैयाँ कर्जा सापटी दिइएको थियो।
तर, अभिलेखअनुसार ती सहकारी संस्थाबाट ५७ करोड ९७ लाख १८ हजार रूपैयाँ सावाँ, ८ करोड ९८ लाख ६४ हजार रूपैयाँ ब्याज र २३ लाख ८२ हजार रूपैयाँ हर्जाना गरी कुल ६७ करोड १९ लाख ६४ हजार रूपैयाँ असुल गर्नुपर्ने देखिएको हो।
युवा तथा साना व्यवसायी स्वरोजगार कोष (सञ्चालन) नियमावली, २०७७ अनुसार ऋण सम्झौतामा ५ वर्षको अवधि र ४२ महिनाको ऋण अवधि रहने व्यवस्था छ।
किस्ता नबुझाएमा थप २ प्रतिशत ब्याज लाग्ने पनि उल्लेख छ।
महालेदखा परीक्षकको कार्यालयले सम्झौताअनुसार हिसाब यकिन गरी सावाँ, ब्याज तथा हर्जाना रकम असुल गर्न सुझाएको छ।
