मंगलबार नेप्से परिसूचक घटेको छ।
नेप्से ६.५१ अंकले घटेर २७२४.३९ विन्दुमा पुगेको छ।
कारोबार रकम भने अघिल्लो दिनको तुलनामा केही बढेको छ।
सोमबार २ अर्ब ४५ करोड रूपैयाँको कारोबार भएकोमा यसदिन ३ अर्ब ८ करोड रूपैयाँको कारोबार भएको छ।
यसदिन ३४६ वटा धितोपत्रको ७८ लाख १६ हजार ४७८ कित्ता सेयर किनबेच भएको हो।
मंगलबार ११३ कम्पनीको सेयर मूल्य बढेको छ भने १४५ वटाको घटेको छ। यस्तै, १२ कम्पनी स्थिर छन्।
यसदिन कर्पोरेट डेभलपमेन्टको मूल्य सर्वाधिक १४.२६ प्रतिशतले बढेको छ।
उक्त कम्पनीको प्रतिकित्ता मूल्य दुई हजार ३०० रूपैयाँ पुगेको छ।
यस्तै, एनआरएमको मूल्य ६.४१ प्रतिशतले बढेर प्रति कित्ता मूल्य ३७३ रूपैयाँ ५० पैसा कायम भएको छ।
सर्वाधिक मूल्य घट्नेमा सिटी होटल रहेको छ।
उक्त कम्पनीको मूल्य ६.८४ प्रतिशतले घटेर प्रति कित्ता मूल्य ३६८ रूपैयाँमा झरेको छ
यसैगरी, थ्री स्टार हाइड्रोपावरको मूल्य ५.८२ प्रतिशतले घटेर प्रति कित्ता मूल्य ५५० रूपैयाँमा सीमित भएको छ।
मंगलबार सिटी होटलको सर्वाधिक कारोबार भएको छ।
उक्त कम्पनीको ३६८ रूपैयाँमा २३ करोड ५३ लाख रूपैयाँको कारोबार भएको छ।
सर्वाधिक सेयर खरिद–बिक्री हुने दोस्रो सूचीमा साहस ऊर्जा रहेको छ। उक्त कम्पनीको ६५३ रूपैयाँमा ९ करोड १६ लाख रूपैयाँ बराबरको सेयर कारोबार भएको छ।
आज कारोबारमा आएका १३ वटा समूहगत परिसूचकमध्ये चार समूहको परिसूचक बढेको छ भने बाँकी नौ समूहको परिसूचक घटेको छ।
यसमध्ये व्यापार समूहको परिसूचक सर्वाधिक १.२४ प्रतिशतले घटेको छ।
